BENVENUTI SU ITALIA-LIBERA

venerdì 22 gennaio 2016

pietre....e mira infallibile...

persone con tasche piene di pietre e mira infallibile. r.b.



Petri
Re tiempi r’antinati
rô ciù anticu passatu
pir ogni cugnintura ri la vita
sempri petri ci hanu statu!
Petri fucali p’addumari ‘u fuocu
petri pizzuti pi cacciari
petri pi dissinnari ‘n luocu;
petri ‘ntagghiati pi frabbicari
e scagghiteddi nichi pi gghiucari.
Petri ciatti p’assittàrini
quannu stanchi
ni vuliemu arripusari;


petri pi fari mura
o pi cunzari corca bracatura;
petri fatti a muràgghiu
petri attunniati
p’ancuticciari ‘u bàgghiu;
petri ca n’agghìcunu ncuoddu
quannu mancu nô ‘spittamu;
petri ca ni fanu ampìnciri
e cariemu;
petri ntê manu pi tiralli all’àutri
qualunchi cosa fanu;
Petri pi scurdàrini ‘u passatu…
mintièmici ‘na petra supra
e soccu ha statu…ha statu!

Franca Cavallo
da "Tiempu e rivuordi" 

0 commenti:

Posta un commento